Audrey 生你真係貴， 第一次見醫生加驗血HKD 1850，之後做唐氏HKD 2000， 再做Oscar HKD 2000，不孕之前見醫生加驗輸卵管差唔多用左1萬蚊，之後開刀住院估計要6-7萬蚊。日後供書教學，又係錢。到底為左乜野原因要生Audrey，其實我到依家都說服唔到自己。再加上懷孕其間的不適更加唔知點解要生，係，我承認第1次見到ＢＢ心跳聲我真係覺得好神奇，但至於直唔直得用咁多野去換，我仍然答唔到。點解要生？老公好耐之前話見到姪仔咁可愛，好想要一個屬於自己既ＢＢ。我愛佢，希望佢開心快樂，我諗這個想法可能有女孩子願意為男朋友出賣自己肉體既情況一樣。愛佢願意為犧牲。
有書仔教做母親是不怕任何困難的。從動物到人，母親呵護自己的孩子都是天生的勇敢而耐心堅強。想著肚子裡的孩子，將來總有一天會和你同甘痛苦，在你和丈夫的精心呵護和教育下，亭亭玉立，你就由衷的、發自內心的，情不自禁的，就會笑出聲來了。＂一想起肚裏的ＢＢ， 我又想問為什麼？
沒有留言:
張貼留言